Lebo

Jumatatu, 19 Februari 2018

MAGAZETI YA LEO JUMATATU FEBRUARY 19,2018


UBUNGO MUNICIPAL COUNCIL UPDATE.

Jumanne 13 February 2018.
Leo Jumanne baraza la Madiwani la Kata Halmashauri ya Manispaa ya Ubungo limeketi katika ukumbi wa Manispaa hiyo uliopo Makao Makuu Kibamba CCM.
Lengo la mkutano huo ni kupokea taarifa za utekelezaji za Kata 14 za Manispaa hiyo.
Mkutano unaendelea.....
Imetolewa na
Kitengo cha habari na Uhusiano.
Halmashauri ya Manispaa ya Ubungo.

Jumanne, 13 Februari 2018

KUFUATIA UKAGUZI WA MAENEO YA MANISPAA YALIYOVAMIWA NA WATU KUNUFAIKA NAYO KATA YA MANZESE MKURUGENZI WA MANISPAA YA UBUNGO JOHN L.KAYOMBO ATOA MAAMUZI 4 MAGUMU


Hayo yamejiri leo 12/2/2018 katika mkutano wa Mkurugenzi wa Manispaa ya Ubungo ndg.John L.Kayombo katika ukumbi wa Manispaa Kibamba ambapo umehudhuriwa na Wenyeviti wa mitaa ,wajumbe wa serikali za mitaa , wataalamu wa Manispaa na wale wanaojiita Wamiliki wa vibanda vya Maduka na wapangaji wa fremu za mtaa wa Tupendane na Muungano kata ya Manzese.
Akiongea mara baada ya kufungua mkutano huo Mkurugenzi alisema ameitisha mkutano huo kwa lengo la kuja kuwaambia wazi msimamo na maamuzi ya serikali juu ya maeneo ambayo ni mali ya serikali.
Wakitoa maelezo mbalimbali waliyotakiwa kuyatoa na Mkurugenzi kuhusu umiliki na ulipaji wa kodi ,wapangaji walielezea jinsi ambavyo wamekuwa wakilipa kodi kwa wanaowapangisha ambapo baadhi wamekuwa wakiingia mikataba ya kupangisha na kulipa kodi kwa mwezi 200000/=, 300000/=,hadi 350000/= ambapo manispaa imekuwa hainufaiki na pesa hizo na kupoteza mapato ya serikali aidha wanaojiita wamiliki walipoulizwa kuhusu hati za umiliki hawakuweza kuonyesha hati hizo zaidi ya kueleza kuwa waliandika barua za maombi ya kumiliki maeneo hayo kupitia kwa wenyeviti kitu ambacho ni kinyume na utaratibu.
Wajumbe pia wametoa malalamiko yao kuwa wamekuwa hawashirikishwi na wenyeviti wao katika maswala hayo na hawajui chochote kinachoendelea zaidi ya kupewa taarifa zisizo sahihi na wenyeviti wao kuhusu maeneo hayo na fremu hizo katika mitaa hiyo.
Akiongea baada ya kusikiliza kwa muda maelezo mbalimbali kutoka kwa Wenyeviti,wapangaji,wajumbe na wamiliki Mkurugenzi Kayombo alitoa maamuzi mazito 4 kama ifuatavyo:
a) Mikataba yote iliyoingiwa kati ya walaghai na wapangishaji wa fremu hizo ni feki na kuanzia leo(12/2/2018)haitambuliki na manispaa na imefutwa
b) Maeneo na fremu hizo kuanzia sasa yanarudishwa na kurejeshwa rasmi serikalini kama ambavyo inaonyesha katika ramani kuwa ni maeneo ya umma
c)Wale wote waliokuwa wakijiita ni wamiliki kuanzia sasa ni wapangaji wa Manispaa na tutatoa utaratibu mpya wa kiwango cha kulipia moja kwa moja kwenye akaunti za Serikali
d)Wapangaji wote katika fremu hizo watapewa utaratibu na manispaa baada ya mkutano huu kwani kuanzia leo na wao ni wapangaji wa Manispaa
Jumla ya vibanda vya maduka 30 vimerejeshwa Serikalini ambavyo vilikuwa vinamilikiwa na wananchi kinyume na utaratibu kuanzia mwaka 1997 kwa Mtaa wa Muungano na Pia mwaka 2000 kwa mtaa wa Tupendane zenye mikataba ya zaidi ya miaka 35
Akiongezea mara baada ya kutoa maamuzi hayo amesema asitokee mtu yoyote kuwatishia wala kuwapa usumbufu wapangaji hao na manispaa ipo pamoja nao. Aidha amesema itasainiwa mikataba mipya ( kati ya Manispaa na waliokuwa wapangaji , wamiliki) ambao sasa ni wapangaji wa manispaa kwani mwenye uhalali wa kusaini mikataba katika maeneo ya umma ni Meya na Mkurugenzi na si vinginevyo
Katika hatua nyingine Mkurugenzi amewataka wenyeviti kuacha kuingilia majukumu yasiyowahusu wafanye majukumu ambayo ni haki yao kwani wamekuwa awakiingilia majukumu ya watendaji na wahasibu ambao wanamuwakilisha Mkurugenzi katika kata husika.
Amewakumbusha pia kuwa serikali hii ipo makini katika kuhakikisha mali za umma zinawanufaisha wananchi wote na si kuibiwa watu wachache na kuwanufaisha kundi la watu flani
"Huu ni muendelezo wa kuhakikisha tunarudisha maeneo yote ya umma yanayotumika kunufaisha wavamizi tumeanzia Kata ya Sinza kwa kuweka alama ya X maeneo yaliyovamiwa na sasa tumekagua hapa manzese na tutaendelea katika kata zingine zote,siwezi kufumbia macho uvamizi wa maeneo na watu kujinufaisha kupitia maeneo hayo ya umma
Nae Mwenyekiti wa wenyeviti kata ya manzese alimshukuru mkurugenzi kwa niaba ya wenzake kwa busara zake katika kushughulikia jambo hili na kumpongeza kwa kasi yake ya uchapaji kazi kama ambavyo serikali ya awamu ya tank imekuwa ikitaka na kuendana na kasi ya Mh. Rais Dkt.John Pombe Magufuli
IMETOLEWA NA KITENGO CHA HABARI NA UHUSIANO MANISPAA YA UBUNGO

KATIKA UTUMISHI WANGU NITASHUGULIKA NA KERO ZA WANAUBUNGO KWA KUWATEMBELEA KATIKA MAENEO YAO NA SIO KULA KIYOYOZI OFISINI" JOHN L. KAYOMBO


Mkurugenzi wa Manispaa ya Ubungo Ndg John L. Kayombo amenukuliwa akisema maneno hayo leo tarehe 09/02/2017 alipotembelea kata ya Manzese ili kusikiliza kero za wananchi na kujionea maeneo ya wazi yaliyovamiwa nakuona namna ya kuyapatia ufumbuzi wake.
Mkurugenzi Kayombo tangu ateuliwe na Mhe Rais wa Jamuhuri ya Muungano wa Tanzania Dr John Pombe Magufuli amekuwa na desturi ya kutembelea wananchi waliopo katika eneo lake la kiutawala ili kusikiliza kero zao na kuzitatua mara moja.
Katika muendelezo wa hilo leo amedhuru maeneo anuai akiongozana na wataalamu kutoka Manispaa anayoiongoza ili kuweza kujionea, kusikiliza na kutatua changamoto za wananchi yakiwemo maeneo ya wazi yaliyovamiwa katika kata ya Manzese kwa lengo la kuyarudisha serikalini na kuonana na wahusika pamoja na wapangaji.
Katika ziara yake Mkurugenzi alianza kwa kutembelea ofisi za kata ili kusikiliza kero za wananchi na watendaji kwa ujumla.
"Nimekuja hadi huku kwa sababu sitaki taarifa za kuletewa ofisini nataka nijionee mwenyewe kwa macho yangu, lakini pia lazima tufahamu Serikali ya awamu ya tano ni ya tofauti" *Alisema Kayombo. "Lazima kuwe na ufuatiliaji na uwajibikaji kwa kila mtumishi kwa nafasi yake kwa wananchi wake wote hadi katika ngazi ya mtaa, mapato ya serikali yamekuwa yakipotea sana na kuna watu wamehodhi maduka kwa muda mrefu bila ulipaji kodi unaoeleweka wala mikataba inayoeleweka, Watu wengine wameenda mbali hadi kufikia hatua ya kuvamia maeneo ya wazi,Tupo kwa ajili ya kufuatilia na kutatua". Alisistiza Kayombo
Baada ya kusikiliza kero na changamoto Mkurugenzi Kayombo aliamua kutembelea katika maeneo yote yenye kero ili kujionea hali halisi.
Katika eneo la pembezoni mwa Shule ya Msingi Manzese, Mkurugenzi alimwamuru fundi seremala aliyevamia eneo la wazi aondoke kabla ya tarehe 30/03/2017 kwani amekuwa alifanya shughuli zake kinyume cha sheria na bila kufuata utaratibu na fundi seremala aliridhia makubaliano hayo.
Katika mtaa wa Tupendane ambapo kuna frame 14 ambazo zimejengwa katika eneo la wazi, Mkurugenzi alitoa agizo la wamiliki wote wa maduka kufika ofisini kwake Kibamba CCM siku ya Jumatatu tarehe 12/02/2018 kwa ajili ya mazungumzo.
Vile vile Mkurugenzi Kayombo aliwataka wapangaji wote waliopangishwa maduka kutokulipa tena pesa au kodi ya aina yoyote kwa mtu yoyote. Pia alowaomba wafike siku hiyo hiyo na mikataba yao ya upangishwaji ili kufikia muafaka na kufanya maamuzi ya mwisho. Wazo hilo lilipokelewa na pande zote kwa utekelezaji
Katika mtaa wa Mnazi Mmoja karibu na soko la urafiki ambapo kuna choo cha Umma ambacho Manispaa hakifaidiki nacho kutokana na kutokukusanya mapato, Mkurugenzi aliamuru choo hicho kifungwe mara moja. Aliagiza hivyo sio tu kwa sababu Manispaa inakosa mapato lakini pia kwa sababu choo hicho kinavujisha maji machafu na ni hatari kiafya kwa wananchi wa eneo hilo. Mwenyekiti wa Serikali ya Mtaa wa Mnazi Mmoja kwa kushirikiana na Mtendaji waliahidi kuyasimamia maagizo hayo ya Mkurugenzi.
Ziara ya Mkurugenzi ilimalizika katika Mtaa wa Muungano ambapo kuna eneo la wazi yaani Open space ambalo limevamiwa na kuna ujenzi unaoendelea na unafanywa na mtu aliyefahamika kwa jina la Chuwa.
Lakini pia kuna wafanyabiashara ambao nao wamejenga frame15 katika eneo la wazi. Mkurugenzi pia aliwataka wale wote ambao wapo kwenye orodha ya uvamizi kufika ofisini kwake siku ya Jumatatu sawia na wale wa mitaa mingine.
Mkurugenzi pia aliuzuia Uongozi wa soko la Manzese kuendelea kuchangisha michango kwa ajili ya ujenzi wa soko. Aliwaambia kuwa ujenzi wote utasimamiwa na Manispaa na wananchi wanaona kama umechelewa lakini mpango wa Halmashauri ni kujenga kwa awamu mbili. Aliwahakikishia wananchi wa Manzese kuwa ujenzi utakuwa ni wa kisasa na anawaandalia eneo zuri la biashara na ndio maana ametoa fedha za mapato ya ndani Tshs milioni 50 kwa ajili ya ujenzi huo kwa awamu ya kwanza.
Mkurugenzi aliwahakikishia wananchi kuwa serikali ipo kwa ajili yao na itarudisha maeneo yote yaliyovamiwa. Aliwaomba wananchi na watendaji wote kwa ujumla kubadilika na kupiga kazi.
Wananchi walimpongeza Mkurugenzi kwa utendaji wake wa kazi uliotukuka na kuahidi kumpa ushirikiano wa kutosha katika kila sekta. Hii ni kutokana na utofauti wa Mkurugenzi wa Manispaa ya Ubungo wa kuwafikia wananchi na kutatua kero zao kwa usahihi na kwa wakati na kuendana na kasi ya serikali ya awamu ya tano ya Mh. Dr John Pombe Magufuli ya Hapa Kazi Tuu.
Imetolewa na
Kitengo cha Habari na Uhusiano
Manispaa ya Ubungo uongozi unaoacha Alama taifa linahitaji viongozi wa namna hii.... All the best kiongozi John Kayombo
Image may contain: 10 people, outdoor